Nuestro día a día

MANUEL ÁLVAREZ FORMA PARTE DEL PROFESORADO EN EL CEGOR

O mestre ferreiro Santiago Martínez Otero puxo o punto e final ao Curso de Especialización en Xestión de Obras de Rehabilitación

xoves, 23 Novembro, 2023

A quinta edición do Curso Superior de Especialización en Xestión de Obras de Rehabilitación (CEGOR), organizado pola Fundación Laboral da Construción de Galicia en colaboración co Consorcio de Santiago, puxo o seu punto e final coa formación en forxa por parte de Santiago Martínez Otero, mestre ferreiro compostelán que no 2021 recibiu o premio Richard H. Driehaus das artes de construción polo seu labor na empresa Forxa Chago.

Thank you for reading this post, don't forget to subscribe!

 

Durante a sesión puideron aprender como son os diferentes materiais cos que se traballa na forxa, así como as técnicas ou segredos para atopar unha mellor calidade e durabilidade dos traballos.

 

No curso participaron 31 profesionais, todos eles persoal técnico ou xefes de obras de rehabilitación. Entre eles atópanse arquitectos e arquitectas de toda Galicia, arquitectos técnicos, restauradores e responsables de empresas construtoras.

 

Especialización única
Este ciclo formativo, no que xa se formaron 90 persoas desde o ano 2019, impartiuse os venres e sábados entre os meses de maio e novembro no Centro de Formación de Santiago en Pontepedriña de Arriba e representa unha especialización única en Galicia nun dos campos máis en auxe hoxe en día na construción: a rehabilitación. Destaca o grao de satisfacción dos profesionais que xa o cursaron que destacan como sobresaliente.

 

Baixo a coordinación do arquitecto da Oficina Técnica do Consorcio Ángel Panero, o CEGOR aporta unha visión integral da xestión dunha obra de rehabilitación, comezando pola súa xestión administrativa e legal, pasando pola súa xestión económica, polo coñecemento de materiais e técnicas así como as instalacións e eficiencia enerxética.

 

Durante os sete meses de duración, o alumnado recibiu tamén clases de ata 40 persoas expertas recoñecidas do sector a través de formacións teóricas e obradoiros prácticos sobre as técnicas e oficios de rehabilitación como o estucado, a cantería, a forxa ou a madeira, incluíndo tamén leccións sobre xestión administrativa e económica das obras de rehabilitación. Ademais realizáronse visitas a empresas para coñecer distintos materiais construtivos.

 

Previamente impartiuse, entre outros, un taller práctico de morteiros a base de cal hidráulica e aérea por parte do mestre artesán Martín García, un de revocos e estucos levado a cabo polo mestre estucador Oriol García ou un sobre cubertas de cinc, cobre e chumbo a cargo de Manuel Álvarez. Tamén tiveron unha clase maxistral do profesor Manuel Guaita, catedrático de estruturas da USC, sobre estruturas de madeira.

 

Entre as visitas a empresas das que se dispuxeron destacaron Maderas Besteiro, o serradoiro de granito de Sograni en Porto do Son, ou centros de investigación como o laboratorio PEMADE da Universidade de Santiago e o edificio Impulso Verde de Lugo. Outras compañías que participaron foron Tejas Verea ou Schlüter.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies
A %d blogueros les gusta esto: